വിജയം കാണുക

 .......വിജയം കാണുക.........

യുദ്ധത്തിൽ വിജയമുണ്ടാകാം 

പക്ഷേ

വിജയശ്രീയുണ്ടാവില്ല

വിലാപങ്ങളുടെ കുന്തമുനയിൽ

വിജയം കീറിപ്പോയ ചരിത്രം

യുദ്ധഭൂമിയിൽ

പനിച്ചു കിടക്കും

യുധിഷ്ഠിരൻ ധർമ്മം

പുതച്ചു കൊടുത്തിട്ടും

കൃഷ്ണൻ ഗീത മരുന്നായ് നൽകിയിട്ടും

കുരുക്ഷേത്രത്തിലെ പനി

ഇന്നോളം മാറിയിട്ടില്ല

അമ്പും ബോംബും കൊണ്ടുവരുന്ന

വിജയത്തിലൊരു നിത്യ മുറിവുണ്ടാകും

ആമുറിവിൽ കിടന്നാണ്

അമ്മയുമഭയാർത്ഥികളും

വിജയം കാണുക

യുദ്ധത്തിൽ വിജയമുണ്ടാകാം 

പക്ഷേ

വിജയശ്രീയുണ്ടാവില്ല