മനസ്സിലൂടെ നടക്കുന്നു

മനസ്സിലൂടെ നടക്കുന്നു
........................................
ഒരു മഴ നടന്നു പോകുമ്പോലെ
നീ മനസ്സിലൂടെ കടന്നുപോകുന്നു
എൻ്റെ
വഴികളാകെ തളിരിടുന്നു

ചില സന്ദർഭങ്ങളിൽ
വെറും പച്ചയാണ്
പച്ച മനുഷ്യൻ
എത്ര നിറങ്ങളുണ്ടെങ്കിലും
എത്ര ഉണങ്ങിപ്പോയാലും
തളിർക്കാതിരിക്കാനാവില്ല ,
മഴ പോലെ
മനസ്സിലൂടെ നടന്നുപോകാൻ
ഒരാളുണ്ടെങ്കിൽ
മഴ പോലെ നീ നടന്ന വഴികളിൽ
തളിരിട്ട് നിൽക്കുമ്പോൾ
ഋതു നോക്കാതെ
പൂക്കൾക്ക് വരാതിരിക്കാനാവില്ല
കൊന്നപ്പൂക്കളിൽ
വിഷുവെന്ന പോലെ
തുമ്പപ്പൂക്കളിൽ
ഓണമെന്ന പോലെ
മാമ്പൂക്കളിൽ
തിരുവാതിരയെന്ന പോലെ
നീയെൻ്റെ പൂക്കളിലൂടെ
നടന്നുപോകുന്നു
സന്തോഷം ഇപ്പോൾ
നമ്മുടെ മകളാണ്‌
- മുനീർ അഗ്രഗാമി