പെട്ടി

 പെട്ടി

കുറച്ചു ദിവസം മുമ്പ്

ഹൃദയത്തിൽ നിന്നെടുത്ത്

നേതാവിനെ ഞങ്ങൾ

ഈ പെട്ടിയിൽ വെച്ചതാണ്

ഇന്നതു തുറന്നു നോക്കും

അദ്ദേഹം അതിലുണ്ടാവുമോ ?

ഞങ്ങൾക്കു മുന്നിൽ നടക്കുമോ ?

ദൈവങ്ങളെ അപഹരിച്ച പോലെ

അദേഹവും അപഹരിക്കപ്പെടുമോ ?

അത്ര ചെറിയവനെങ്കിലും

അദ്ദേഹം അതിൽ കിടന്ന്

വലുതായിട്ടുണ്ടാവുമോ ?

ആ പെട്ടിയിൽ

മറ്റൊരാൾ കൂടിയുണ്ട്

അവർ തമ്മിൽ യുദ്ധം നടക്കുന്നുണ്ടാവും

അതു കണ്ട് ചിലർ അവിടെ

വെറുതെ ഇരിക്കുന്നുണ്ടാവും

- മുനീർ അഗ്രഗാമി