ചുംബിച്ച ചുണ്ടു് തിരിച്ചെടുക്കുന്നു

 യാത്ര തീർന്നിരുന്നില്ല

വഴിയുടെ നീളവും

അളന്നു തീർന്നിരുന്നില്ല

എന്നിട്ടും വഴി അവസാനിച്ച പോലെ

മുറിഞ്ഞു പോയി

വഴിയിൽ ഒരു ഭൂകമ്പം

ചിറകു കുടഞ്ഞതു പോലെ.

ഒരു പ്രളയം

ആരെയോ കാത്തു നിന്നതു പോലെ.

ഉരുൾപൊട്ടൽ

ആരുടെയോ നെഞ്ചിലേക്ക്

പതിച്ച പോലെ.

നിന്നു പോയ

ഒരു ബിന്ദുവിൽ നിന്നും

സമയസൂചി വീണ്ടും വിളിക്കുന്നു

മരത്തിന്റെ തളിർ ചുണ്ടിനാൽ

ശിശിരകാലം

ചുംബിച്ച ചുണ്ടു്

തിരിച്ചെടുക്കുന്നു .

- മുനീർ അഗ്രഗാമി