മരങ്ങൾ

 മരങ്ങൾ

.............................

അതിർത്തിയില്ലാത്ത രാജ്യത്തിന്

കാവൽ നിൽക്കുന്നവരാണ്

മരങ്ങൾ

എത്ര ലളിതമായാണവ

മതിലുകൾ തകർക്കുന്നതെന്നു നോക്കൂ

കഠിനമെന്നു നാം കരുതിയതൊക്കെ

വേരുകൾ കൊണ്ട് തടവി

ലളിതമാക്കുകയാണവ

സ്വന്തം തണലിൽ നിന്ന്.

അതു കൊണ്ട്

അതിർത്തിയില്ലാതാവുമ്പോഴാണ്

ഓരോ മരവും

വേരുകളുടെ ശക്തി തിരിച്ചറിയുക

മരമാവാൻ കഴിയുന്നില്ലല്ലോ എന്ന്

ഒർക്കുന്ന ചില നിമിഷങ്ങളിൽ മനുഷ്യർ

സ്വന്തം തണലിൽ നിന്ന്

കരയും,

കരയും

- മുനീർ അഗ്രഗാമി