ശൂന്യത

ശൂന്യത

.........................

രാത്രിയിൽ മലഞ്ചെരിവിലേക്ക് പോയി

മൗനത്തെ ചീവീടുകൾ

കീറിയെറിയുന്നു

ഒരു പേലീസുകാരൻ വന്നു

എന്താ ഇവിടെ എന്നു ചോദിച്ചു

നിലാവ് വിളിച്ചിട്ടു വന്നതാണെന്നു പറഞ്ഞു

അയാൾ തറപ്പിച്ചു നോക്കി

വിലങ്ങു വെച്ചു

മരത്തിൽ നിന്നിറങ്ങി ഒരില

താഴ് വാരത്തിലേക്ക് നടന്നു പോയി

പിന്നാലെ അയാൾ എന്നെ വലിച്ചുകൊണ്ടുവന്നു

മലഞ്ചെരിവിൽ

എന്നെ ഓർത്ത്

രാത്രിയിൽ ആ ശൂന്യത

തനിച്ചിരിക്കുമെന്ന്

അയാൾക്കറിയില്ല

അറിയില്ല

-മുനീർ അഗ്രഗാമി