ഒരു പാട്ട്

 ഒരു പാട്ട്

................

അനേകം നാവുകളെ

നടുക്ക് തുളച്ച്

ഒരു കൊടിമരത്തിലേക്ക്

വലിച്ചുകെട്ടിയിരിക്കുന്നു

കെട്ടുകളുടെ സൗന്ദര്യത്തെ കുറിച്ച്

വാർത്തകൾ വന്നുകൊണ്ടിരുന്നു

ചർച്ചകൾ നടന്നുകൊണ്ടിരുന്നു

ഒരൊറ്റ അക്ഷരം പോലും

ഉച്ചരിക്കാനാവില്ലെങ്കിലും

ഒരു സ്ത്രീ പ്രസവിച്ചു;

കുഞ്ഞ് കൊടിമരം നോക്കിക്കരഞ്ഞു

കുഞ്ഞ് അപ്രത്യക്ഷമായിരുന്നെങ്കിൽ!

അവൾ വിചാരിച്ചു

പെട്ടെന്ന് കുഞ്ഞ് അപ്രത്യക്ഷമായി.

കുഞ്ഞേ പ്രത്യക്ഷപ്പെടൂ എന്ന്

അവൾ പറയുന്ന നാൾ

പാടുവാൻ വേണ്ടി

ഒരു പാട്ട്

എല്ലാവരുടെയും ഉള്ളിൽ വന്നു നിന്നു.

-മുനീർ അഗ്രഗാമി