അർദ്ധനഗ്നകവിത ................................ വീടും കൂടും

................................
വീടും കൂടും
.......... ...........
ഒരിക്കൽ
അകത്തിരുന്ന്
അവൾ സ്വന്തം വീടിനെ
കൂടെന്നു വിളിച്ചു പോയി

വിളി കേട്ട വീട്
അവളുടെ ചുവന്ന ചുണ്ടിൽ
എന്നോ കേട്ടു പഠിച്ച
വാക്കുകളുടെ കതിർ കണ്ടു

തുറന്ന വാതിലുകൾ
കണ്ടു

ആരോ മുറിച്ചുകളഞ്ഞ
അവളുടെ ചിറകുകൾ മാത്രം കണ്ടില്ല

അവൾ കൂടെന്നു വിളിക്കുമ്പോൾ
വീട്
അവളുടെ പച്ചപ്പിൽ
ഒരു മരത്തിൽ കൂടാവാൻ
വിചാരിക്കും;
അവളെ ഒരു കിളിയാക്കാനും