ചിഹ്നങ്ങൾ

ചിഹ്നങ്ങൾ
....................
കിനാവു കണ്ടൊരാൾ
കന്നി വോട്ടു ചെയ്തവൻ
കമ്പ്യൂട്ടർ പഠിച്ചവൻ;

അവൻ്റെ മുഖത്താഞ്ഞടിക്കുന്ന
ഒരു കൈപത്തി
അവൻ്റെ കഴുത്തിൽ
ചേർത്തുവെച്ച
ഒരരിവാൾ
അവനെ ചെളിയിലിറങ്ങാൻ
വിളിക്കുന്ന താമര!
അവൻ്റെ കണ്ണിനു നേരെ
കുതിച്ചെത്തുമൊരമ്പ്
കയറാനോ ഇറങ്ങാനോ കഴിയാത്ത
പടികൾ ദ്രവിച്ച ഒരു കോണി!

വിരൽത്തുമ്പിലെ
മായാത്ത മഷി പോലെ
ഭീതിയുമവനിൽ മായാതെ

തൂവൽ പൊഴിക്കുമ്പോൽ
ഭീതി പൊഴിക്കുവാനവൻ
കടൽ കടന്നു
കാലിഫോർണിയയിലവൻ
കന്നിവോട്ടറവൻ
കൗതുകത്തിനു വേണ്ടി മാത്രം
ബൂത്തിലെത്തിയോൻ

ചിഹ്നങ്ങൾ
ചിന്നം വിളിക്കുന്ന നാട്ടിൽ
ചിന്തയില്ലെന്നവൻ