ദളിത് പെൺ കവിതകൾ

ദളിത് പെൺ കവിതകൾ
..........................................
കുറെ കവിതകളെ കണ്ടുമുട്ടി
അവയുടെ ജാതി ചോദിച്ചില്ല
നിറം നോക്കിയില്ല
വായിച്ചു.

അവ തടവിലാണ്
ഒരു പ്രൊഫസർ
അവയെ പിടിച്ചുകെട്ടിയിരിക്കുന്നു
പെൺ എന്ന് പുള്ളി കുത്തി
ദളിത് എന്ന ജയിലിൽ
അടച്ചിരിക്കുന്നു.
കവിതയ്ക്ക്
ലിംഗവിഭജനം നടത്തി
ജാതി ചേർത്ത്
നമ്പറിട്ട്
കോൺസെട്രേഷൻ കേമ്പിലെന്ന പോലെ
ഒരു പുസ്തകത്തിൽ
അവ കിടന്നു
തുറന്നു വിടൂ എന്നു കരഞ്ഞു.
കറുത്ത അക്ഷരങ്ങളിൽ
തളർന്നു കിടന്നു
-മുനീർ അഗ്രഗാമി