സങ്കടം

സങ്കടം
............
മരങ്ങളെ കുറിച്ച്
നാമെന്തെഴുതും ?
അവയുടെ വേരുകൾ
മണ്ണിലെഴുതിയത്
വായിക്കാതെ.

മണ്ണ് മരത്തിലെഴുതിയത്
ആകാശം വായിക്കുന്ന പോലെ
നമുക്കാവില്ല
ആകാശം വെളിച്ചത്തിന്
പറഞ്ഞു കൊടുക്കുന്നവ
നാം കേൾക്കുന്നു
എന്നു മാത്രം
ഇലകളും പൂക്കളും
നാം കേട്ട രണ്ടു വാക്കുകൾ മാത്രം
മരം സങ്കടം മറച്ച് ഉച്ചരിച്ചവ.
മരണത്തിനു മുമ്പ് നാമത് പകർത്തി
അനശ്വരമാക്കുന്നു
എന്നു മാത്രം
മരത്തെ കുറിച്ച്
ഇനിയൊന്നുമെഴുതില്ല
അതിൽ കൂടു വെച്ച
കിളി പറയാതെ.
- മുനീർ അഗ്രഗാമി