പടരൽ
.............
നിന്നിൽ പടർന്നു കയറുന്ന
കാട്ടുവള്ളിയാണ്
എൻ്റെ മനസ്സ്.

ആദ്യത്തെ പുരുഷൻ്റെ
ഹൃദയത്തിലാണ്
അതിൻ്റെ വേരുകൾ
ഓരോ ഇലകളിലും
ഓരോ പേരുകളുണ്ട്
കൊഴിഞ്ഞു വീണ ഒരിലയിൽ രമണൻ
മറ്റൊന്നിൽ മജ്നു
മറ്റൊന്നിൽ സലിം
ഒന്നിൽ മദനൻ...
....
നീ ഉറച്ചു നിൽക്കുന്ന മണ്ണിൽ
പുതിയ വേരുകൾ
ചുംബിച്ചുണരുന്നു
ഒറ്റപ്പെടുത്താതെ
വിരലു കോർക്കുന്ന താങ്ങേ
നിന്നെ നീയെന്നു വിളിച്ച്
എൻ്റെ മനസ്സ്
ഞാനാകുന്നു
ഞാനാകുന്നു .
- മുനീർ അഗ്രഗാമി