രാത്രിയിൽ വയൽ വരമ്പിലൂടെ നടക്കുമ്പോൾ
ശബ്ദമഴ തകർത്തു പെയ്യുന്നു
തോരാതെ പെയ്യുന്നു
വയലു നിറഞ്ഞു തൂവുന്നു
വരമ്പു കാണാതെ
വരിനെല്ലു കാണാതെ
കവിഞ്ഞൊഴുകുന്നു
ഞാനൊരു കുഞ്ഞു ബ്രാലായി നീന്തുന്നു.
ശബ്ദങ്ങളോരോന്നായ്
ഓളങ്ങളായ് ഉടലിൽ മീട്ടുന്നു
ഞാനൊരുഗാനത്തിൻ്റെ നിശ്വാസമാകുന്നു
രാത്രിയതു കേട്ട് നെല്ലോലകളിൽ
താളം പിടിക്കുന്നു.
ശബ്ദമഴ തകർത്തു പെയ്യുന്നു
തോരാതെ പെയ്യുന്നു
വയലു നിറഞ്ഞു തൂവുന്നു
വരമ്പു കാണാതെ
വരിനെല്ലു കാണാതെ
കവിഞ്ഞൊഴുകുന്നു
ഞാനൊരു കുഞ്ഞു ബ്രാലായി നീന്തുന്നു.
ശബ്ദങ്ങളോരോന്നായ്
ഓളങ്ങളായ് ഉടലിൽ മീട്ടുന്നു
ഞാനൊരുഗാനത്തിൻ്റെ നിശ്വാസമാകുന്നു
രാത്രിയതു കേട്ട് നെല്ലോലകളിൽ
താളം പിടിക്കുന്നു.
- മുനീർ അഗ്രഗാമി
No comments:
Post a Comment