ഗ്രീഷ്മരാത്രിയുടെ വാതിലുകൾ

ഗ്രീഷ്മരാത്രിയുടെ വാതിലുകൾ
.........................................................
അനേകം വാതിലുകള്ള രാത്രി
അവയെല്ലാം തുറന്നിട്ട്
വേനൽമഴയ്ക്ക് കാത്തിരിക്കുന്നു

ജീവനുള്ളവരെപോലെ
ഓരോ സ്വപ്നങ്ങൾ
ഓരോ വാതിലിലൂടെ കടന്നു വരുന്നു
നിൻ്റെ ചുംബനങ്ങൾ
സൂക്ഷിച്ചു വെച്ച
മുറിക്കുള്ളിൽ അവ വന്നിരിക്കുന്നു
എന്നോട് സംസാരിക്കുന്നു
ജീവിച്ചിരിക്കുന്ന നിമിഷങ്ങളെ പോലെ.
ഉണർന്നു നോക്കിയാൽ
കൺതടത്തിൽ
ഒരു വേനൽമഴ പെയ്തു തോർന്നതിൻ
പാടുകൾ കാണാം
ഗ്രീഷ്മ രാത്രിയേ
ഇനി വാതിലുകളടയ്ക്കുക
അടയ്ക്കുക!
- മുനീർ അഗ്രഗാമി