ഏറ്റവും ചെറിയ കുട്ടി
....................................
ഏറ്റവും ചെറിയ കുട്ടി
പുഞ്ചിരിക്കുമ്പോൾ
വീട് പ്രകാശിക്കുന്നു
ഇരുട്ടുണ്ടെന്നു നാം കരുതിയ
അകത്തളങ്ങളൊക്കെയും
പുലരി പോലെ നിൽക്കുന്നു
....................................
ഏറ്റവും ചെറിയ കുട്ടി
പുഞ്ചിരിക്കുമ്പോൾ
വീട് പ്രകാശിക്കുന്നു
ഇരുട്ടുണ്ടെന്നു നാം കരുതിയ
അകത്തളങ്ങളൊക്കെയും
പുലരി പോലെ നിൽക്കുന്നു
ജീവിതം മടുത്തെന്ന്
പലതവണ പറഞ്ഞ വല്യമ്മാമ
പതിവുതെറ്റിച്ച്
മടുപ്പെവിടെയോ കളഞ്ഞ്
വീടിന്റെ പുഞ്ചിരിയെ
മടിയിലിരുത്തുന്നു
തർക്കങ്ങളിൽ തലതല്ലിപ്പിരിഞ്ഞവർ
തിരിച്ചു വന്ന്
പുഞ്ചിരിയുടെ രണ്ടറ്റങ്ങളിൽ
ചുംബിക്കുന്നു
ഏറ്റവും ചെറിയ ചിരിയിൽ
ഏറ്റവും വലിയതെന്തോ
മറഞ്ഞിരുന്ന്
നമ്മെ ഒരു കുഞ്ഞിനെ പോലെ
ചില നിമിഷത്തേക്ക്
നിഷ്കളങ്കരാക്കുന്നു
അപ്പോഴാണ്
പാവകളൊക്കെ കുഞ്ഞുങ്ങളായത്
ചെറിയ കുട്ടിയുടെ
പുഞ്ചിരിയിൽ കിടന്ന് കളിക്കാൻ തുടങ്ങിയത്
അകം
അടുക്കള
വരാന്ത
എന്ന വേർതിരിവുകൾ
ഇല്ലാതായത്
അമ്മയുടെ കുട്ടിക്കാലത്ത്
കൈകളിൽ ഉണർന്നിരുന്ന
ഒരു പാവയെ
അമ്മയിപ്പോൾ ഓർക്കുന്നു
ഇപ്പോളതിനു ജീവനുണ്ട്
മുമ്പെങ്ങുമില്ലാത്ത വിധം .
-മുനീർ അഗ്രഗാമി
പലതവണ പറഞ്ഞ വല്യമ്മാമ
പതിവുതെറ്റിച്ച്
മടുപ്പെവിടെയോ കളഞ്ഞ്
വീടിന്റെ പുഞ്ചിരിയെ
മടിയിലിരുത്തുന്നു
തർക്കങ്ങളിൽ തലതല്ലിപ്പിരിഞ്ഞവർ
തിരിച്ചു വന്ന്
പുഞ്ചിരിയുടെ രണ്ടറ്റങ്ങളിൽ
ചുംബിക്കുന്നു
ഏറ്റവും ചെറിയ ചിരിയിൽ
ഏറ്റവും വലിയതെന്തോ
മറഞ്ഞിരുന്ന്
നമ്മെ ഒരു കുഞ്ഞിനെ പോലെ
ചില നിമിഷത്തേക്ക്
നിഷ്കളങ്കരാക്കുന്നു
അപ്പോഴാണ്
പാവകളൊക്കെ കുഞ്ഞുങ്ങളായത്
ചെറിയ കുട്ടിയുടെ
പുഞ്ചിരിയിൽ കിടന്ന് കളിക്കാൻ തുടങ്ങിയത്
അകം
അടുക്കള
വരാന്ത
എന്ന വേർതിരിവുകൾ
ഇല്ലാതായത്
അമ്മയുടെ കുട്ടിക്കാലത്ത്
കൈകളിൽ ഉണർന്നിരുന്ന
ഒരു പാവയെ
അമ്മയിപ്പോൾ ഓർക്കുന്നു
ഇപ്പോളതിനു ജീവനുണ്ട്
മുമ്പെങ്ങുമില്ലാത്ത വിധം .
-മുനീർ അഗ്രഗാമി
