അടിപൊളി

അടിപൊളി
...................

പട്ടി കൊല്ലപ്പെട്ടു.
മനുഷ്യൻ കൊല്ലപ്പെട്ടു.

മൃഗീയം,
മാനുഷികം
എന്നീ വാക്കുകൾ മാത്രം
കരഞ്ഞു.

പട്ടിയെ കൊന്നവന്
ജയിൽ;
മനുഷ്യനെ കൊന്നവന്
മെഡൽ.

സങ്കടം സഹിക്കാനാവാതെ
മൃഗീയം എന്ന വാക്ക്
തൻ്റെ അർത്ഥം ഉപേക്ഷിച്ച്
കാടുകയറി
മാനിനെ കൊന്ന്
തിന്നു തുടങ്ങി

മൃഗീയത്തിൻ്റെ അർത്ഥം
എടുത്തണിഞ്ഞ്
മാനുഷികം എന്ന വാക്ക്
കാട്ടിലും നാട്ടിലും
തോക്കുമേന്തി നടന്നു .

അടിച്ചു പൊളിച്ചു

- മുനീർ അഗ്രഗാമി