നിറഞ്ഞുതൂവുന്ന ഒരു കടൽ-

നിന്നിൽനിന്നെന്നിലേക്കുള്ള വഴിയിൽ
നിറഞ്ഞുതൂവുന്ന ഒരു കടലുണ്ട്
നനയാതെ നിനക്കെത്തുവാനാവാത്ത
ദ്വീപും ചുഴിയുമതിലുണ്ട്
ഉയരുവാനല്ല,താഴുവാനാണ്
സാധ്യത കൂടുതൽ
മുഴങ്ങുവാനല്ല മുങ്ങുവാനാണ്
നിശ്ശബ്ദതയുടെ പോലും വിധി
എന്നിട്ടും നീ കൊടുത്തയക്കുന്ന
നേർത്ത കാറ്റിൽ അതു ചെറുതായുണങ്ങുന്നു
നീ തൂവുന്ന രശ്മികളിൽ അതാറാങ്ങാൻ
തുടങ്ങുന്നു
നിത്യവുമൊരുസൂര്യനായ്
വെറുതെ ഒന്നെന്നെ നോക്കുക
തൂവാതിരിക്കാൻ
അതിനാവും വരെ