അഞ്ചാമത്തെ തുമ്പി

അഞ്ചാമത്തെ തുമ്പി
....................................
നാലാമത്തെതുമ്പിയെ അവൾ പിടിച്ചു
അഞ്ചാമത്തെ തുമ്പിയെ
നാളെ പിടിക്കാമെന്നൊരേ ചിന്ത തുഴഞ്ഞ്
രാത്രി കടന്നു വന്നപ്പോഴേക്കും
പൂന്തോട്ടവും പുൽമേടും കത്തിപ്പോയി

രണ്ട് ഹെലിക്കോപ്റ്ററുകൾ
ബോംബിട്ടു കൊണ്ടിരുന്നു
ജനാലയ്ക്കു പിന്നിൽ നിന്നു പേടിക്കുമ്പോൾ
തീയുടെ വിരലുകൾ
തേടിക്കൊണ്ടിരുന്നത് അവൾ കണ്ടു
പുറത്തേക്കു നീണ്ട ചിറകുകൾ
തീ പിടിച്ചു ,കരിച്ചു കളഞ്ഞു
ഇനി പുറത്തിറങ്ങാൻ വയ്യ
അമ്മയുടെ ഒരിലയിൽ അവൾ
അനങ്ങാതെ ഇരുന്നു
അഞ്ചാമത്തെ തുമ്പിയെ പോലെ .
- മുനീർ അഗ്രഗാമി