നരനും നായയും

നരനും നായയും
................................
നടക്കാൻ പാടില്ലാത്ത വഴി,
കയറാൻ പാടില്ലാത്ത സ്ഥലം,
തൊടാൻ പാടില്ലാത്ത വസ്തു ,
നിൽക്കാൻ പാടില്ലാത്ത നില,

നോക്കുമ്പോൾ
എല്ലായിടത്തും
കയറിയിറങ്ങുന്നു ഒരു നായ.

നായ
അവനെയും തൊട്ടുരുമ്മി
കടന്നു പോയി.
സ്വാതന്ത്യ്രമേ എന്നവൻ അതിനെ വിളിച്ചു
അതു വാലാട്ടി നടന്നു പോയി.

വാലില്ലാത്തതിനാൽ
നാലു കാലില്ലാത്തതിനാൽ
എന്നത്തേയും പോലെ
വേദനിച്ച് വേദനിച്ച്
അവൻ മാഞ്ഞുപോയി.

-മുനീർ അഗ്രഗാമി