അകത്താണവൻ്റെ ചിറകുകൾ
...........................................................
ഒരു പൂവിൽ നിന്നും
മറ്റൊരു പൂവിലേക്ക്
പൂമ്പാറ്റ പോകുന്നു
ഒരു ചിത്രത്തിൽ നിന്നും
മറ്റൊരു ചിത്രത്തിലേക്ക്
ആസ്വാദകൻ പോകുന്നു
അകത്താണവൻ്റെ ചിറകുകൾ
നിർവൃതിയുടെ കുഞ്ഞു തുള്ളികൾ
ചിത്രത്തിൽ നിന്നും പൂമ്പൊടി പോലെ
അയാൾ ശേഖരിക്കുന്നു
അയാൾ വരുമ്പോൾ
ആർട്ട് ഗാലറി പൂന്തോട്ടമാണ്
ചിത്രങ്ങൾ പൂക്കളും.
നിറങ്ങളിൽ നിറഞ്ഞ്
അകത്തൊരു ഗാലറിയുമായ്
തിരിച്ചു പോകുന്നവനാണ്
ആസ്വാദകൻ.
-മുനീർ അഗ്രഗാമി
No comments:
Post a Comment