നമുക്കു പ്രവാസം

നാടുവിട്ടിട്ട്  

നാളേറെയായെങ്കിലും
നാളുതോറും  

നാടുതന്നെയുള്ളിലും 

നാക്കിലും
നാട്ടുരുചിയുടെയോർമ്മയിൽ

നാമുണരുന്നു

നാട്ടുപഴമയുടെ ജലം കുടിച്ച് 

നാം വളരുന്നു 

നാട്ടിലെയോർമ്മകൾ തിന്നു -
നാമുറക്കം വെടിയുന്നു
നാടുകൾ പലതും  

നമ്മെ ചേർത്തൂ പിടിക്കിലും
നാമറിയുന്ന മണമൊന്നിനുമില്ല

നമ്മെനാമാക്കിയ 

നാട്ടുവെളിച്ചവുമവയ്ക്കില്ല  
നാളെ തിരിച്ചെത്തിയാൽ
നാട്ടുകാർ നമ്മെ തിരിച്ചറിഞ്ഞില്ലെങ്കിലും
നാട് നമ്മെ കൈവിടില്ലെന്നൊരു 

നനുത്ത പ്രതീക്ഷ മാത്രം 

നമുക്കു പ്രവാസം തരുന്നു