ഭൂജാതൻ

ഭൂജാതൻ
..................
ജനിക്കാൻ ഇടമില്ലാത്ത ഒരാൾ
കടലിലൂടെ
കരയിലൂടെ
ഭൂജാതനാകാൻ
ഒരിടത്തിന്
ശ്രമിച്ചുകൊണ്ടിരുന്നു

കൊട്ടാരത്തിൽ ജനിച്ചവന്റെ
അനുയായികൾ അവനിടം കൊടുത്തില്ല
തോക്കുകൾ കയ്യിൽ പിടിച്ച്
അവർ അഹിംസ എന്നു പ്രസംഗിച്ചുകൊണ്ടിരുന്നു
പുൽക്കൂട്ടിൽ ജനിച്ചവന്റെ അനുയായികളും
അവനെ കണ്ടില്ല
കോൺവെൻറിന് സുരക്ഷ കൂട്ടുന്ന
തിരക്കിലായിരു അവർ
വീട്ടിൽ ജനിച്ചവരുടെ
അനുയായികൾ
അവനടുത്തേക്കു പോയില്ല
ശാന്തി
സമാധാനം
കാരുണ്യം
എന്നിങ്ങനെ
അവരുടെ പ്രാർത്ഥനകൾ
അടച്ചിട്ട വീടിനുള്ളിൽ നിന്നും ചിറകടിച്ചു
അത് ഞങ്ങളുടെ രാജ്യമല്ലല്ലോ
ഞങ്ങളുടെ വംശമല്ലല്ലോ
ഞങ്ങളുടെ ജാതിയല്ലല്ലോ എന്ന്
അവരോരുത്തരും പറഞ്ഞു കൊണ്ടിരുന്നു
എന്നിട്ടും സമയമായപ്പോൾ
അവൻ ജനിച്ചു
അഭയാർത്ഥി എന്ന വാക്ക്
അവനെ താരിട്ടിക്കൊണ്ടിരുന്നു
എല്ലാ നക്ഷത്രങ്ങളും
അവനിലേക്ക് വഴി കാണിച്ചു കൊണ്ടിരുന്നു
ജ്ഞാനികൾ അത് പിന്തുടരാത്തതെന്താണ് ?
- മുനീർ അഗ്രഗാമി