മാതൃഭാഷ

മാതൃഭാഷ

.................

എനിക്കു ചിറകുകളുണ്ട്

അതെൻ്റെ ഭാഷയാണ്

എനിക്കു തൂവലുകളുണ്ട്

അതെൻ്റെ വാക്കുകളാണ്

അതുകൊണ്ട്

സ്വന്തം ഭാഷ കേൾക്കുമ്പോൾ,

വായിക്കുമ്പോൾ

ഞാൻ പറക്കുകയാണ്

 

എല്ലാ അതി രു ക ൾ ക്കും മുകളിലൂടെ

കൊക്കിനെ പോലെ

തത്തയെപോലെ

കാക്കയെ പോലെ

കൂട്ടത്തിൽ;

കൂട്ടം പറഞ്ഞ് .

 

അതു കൊണ്ട്

തൂവൽ അസാധാരണമായി

കൊഴിയുമ്പോൾ

ചിറക് കരിയുമ്പോൾ

പേടിയാകുന്നു,

ചിറകില്ലാതായ ഒരു കൊക്ക്

നിസ്സഹായനായി

കുളം വറ്റുന്നത് നോക്കി നിൽക്കുമ്പോലെ.

വറ്റി വിണ്ടുകീറിയ

കുളത്തിൽ നിന്ന്

സ്വന്തം ഭാഷ വിടർത്തി

പറക്കാനാകാതെ.

--മുനീർ അഗ്രഗാമി