ഗൾഫ് .....ഗൾഫ്

ഇനിയെന്നു വരുമെന്നു  

മകൻ ചോദിച്ചില്ല
മകൾ ഇനിവരുമ്പോൾ 

ലാപ്ടോപ് കൊണ്ടുവരുമോ എന്നു ചോദിച്ചു
അവന്റെ  അമ്മ

 അടുത്ത വരവിനു അവളുടെ മാല 

 പുതുക്കണമെന്നും പറഞ്ഞു
അമ്മ  

ഒരു കമ്പിളി കൊടുത്തയക്കാൻ പറഞ്ഞു
പെങ്ങൾ  

അമ്പതു പവനില്ലാതെ പടിയിറങ്ങില്ലെന്നു പറഞ്ഞു
അച്ഛൻ വീടൊന്നു പുതുക്കണമെന്നും

ഇനി വരേണമോ  എന്ന് 

 അവൻ അവനോടു ചോദിച്ചു
വിമാനമെത്തി
അവൻ മെല്ലെ നടന്നു