മോഹം

നാം നടത്തം പഠിച്ച മണ്ണിൽ
നാം നടക്കുവാൻ മടിച്ച പകലിൽ
നാം നടന്നുപോയ വഴികൾ
നമ്മെക്കാളും മാറിപ്പോയ്

കാറിലേസിയിൽ
 കാറ്റും വെയിലും മഴയുമില്ലാതെ
കലമ്പിപ്പോകും ഋതുക്കളെയറിയാതെ
ഞാനും നീയും  
മറന്നതൊക്കെയും
അടുത്തു വന്നിങ്ങനെയോരോന്നു പറയുന്നു,
കുന്നു കയറുവാനൊരു മോഹം
ഇടവഴിയിലൂടെ ഒടുവാനൊരു മോഹം
ഒതുക്കു കല്ലുകൾ 
 ചവിട്ടിക്കയറുവാനൊരു മോഹം
പാറക്കെട്ടിൻ മുകളിൽ  
നിന്നും നിന്നെവിളിക്കുവാനൊരു മോഹം