കായിദ്
.............
ഓടിക്കൊണ്ടിരിക്കുന്ന ബസ്സിലിരുന്ന്
കായിദ് പിറുപിറുക്കുന്നു
സീറ്റ് പിടിച്ചു വലിക്കുന്നു
ദേഷ്യത്തിൽ പല്ലിറുമ്മുന്നു
ഒന്നും തകർന്നില്ലല്ലോ
സൂര്യൻ വീണ്ടും ഉദിച്ചല്ലോ
നിന്റെ കണ്ണുകളിൽ
ആ തീയുണ്ടല്ലോ
കായിദ്
അവന്റെ ചിറകുകൾ കാണിച്ചു തന്നു
ശരിയാണല്ലോ
തൂവലുകളിൽ ചെറിയ കണ്ണികൾ
കുടുങ്ങിയിരിക്കുന്നല്ലോ
ഞാനിവ മെല്ലെ അഴിച്ചെടുത്തു തരട്ടെ!
കായിദ്
നിറയെ ഈരാകുടുക്കുകൾ നിറഞ്ഞ
അവന്റെ ചിറകുകൾ തന്നു
ഞാനതഴിച്ചു തീർന്നില്ല
യാത്ര തീർന്നു.
- മുനീർ അഗ്രഗാമി
No comments:
Post a Comment