ശ്രമം
........
പണ്ടു കൊണ്ട മഴയെ
കഴുകിക്കളയാൻ
ഈ മഴ ശ്രമിക്കുന്നു
ഞാനത് ശരിക്കും കൊണ്ടു,
ആർക്കും കഴുകിക്കളയാൻ
പറ്റാത്ത വിധം കൊണ്ടു
കൊണ്ട മഴകൾ
കൊണ്ടു തീരാത്ത പോലെ
പെയ്തും തീരില്ല
ഒരു മഴയ്ക്കുമാവില്ല
മറ്റൊരു മഴ തന്ന
കുളിരുമായ്ക്കുവാൻ
എന്നിട്ടും അതു ശ്രമിക്കുന്നു
വെറുതെ ശ്രമിക്കുന്നു
ആദ്യത്തെ പ്രണയത്തെ
അവസാനത്തെ പ്രണയം കൊണ്ട്
മായ്ക്കാൻ ശ്രമിക്കുന്ന പോലെ.
- മുനീർ അഗ്രഗാമി
No comments:
Post a Comment