കാലമുച്ചരിച്ച ഒരു വാക്ക്

 കാലമുച്ചരിച്ച ഒരു വാക്ക്

(ആറ്റൂരിന്)

അലയുന്നു മേഘങ്ങൾ

അവന്റെ ദൂതുമായ്

സഹ്യനെക്കാളുമുയരത്തിൽ,

മലയാളത്തിൽ

മേഘങ്ങളൊക്കെ

പെയ്തു തീർന്നാലും

പറന്നു തീരില്ലവന്റെ

വാക്കുകൾ

നടത്തം നിർത്തിയാലും

നിൽക്കുവാനാവാതെ

നടക്കുമവൻ

ബാക്കി വെച്ച രസധ്വനികൾ

നഗരത്തിൽ

ഞാൻ ഗ്രാമത്തിന്നോർമ്മകൾ

സൂക്ഷിക്കുന്ന ട്രങ്കു പെട്ടിയിൽ

അവന്റെ വചനങ്ങളുടെ കാവലുണ്ട്

യക്ഷനാവാൻ മോഹിച്ച്

മനുഷ്യനായിത്തീർന്ന ഒരു വാക്ക്

കാലമുച്ചരിച്ചു കഴിഞ്ഞു

കേട്ടവരിൽ

തീരാതെ

തോരാതെ...

- മുനീർ അഗ്രഗാമി

38Sugatha Pramod, Shukkoor Mampad and 36 others

5 comments

2 shares

Like

Comment

Share