സംവാദം
................
അവനെ ഞാൻ കൊല്ലുമോ ?
ഒരിക്കലും ഞാനങ്ങനെ ചെയ്യില്ല
കാരണം
അവനോടു സംവദിക്കാനും
സംഘട്ടനത്തിലേർപ്പെടാനും
എന്നിൽ അവനെ കാത്ത്
ആശയങ്ങൾ നിലയുറപ്പിച്ചിട്ടുണ്ട് .
അവനെ ഞാനൊന്നും ചെയ്യില്ല
അവന്റെ വാക്കുകളെയല്ലാതെ
മറ്റൊന്നിനെയും ഞാനൊന്നും ചെയ്യില്ല
എന്നിട്ടും
അവൻ കൊല്ലപ്പെട്ടു
എന്റെ സംവാദത്തിന്റെ
ഒരു കര കാണാതായി.
പോലീസ് കണ്ടെടുത്ത കത്തിമുനയിൽ
സംവാദത്തിന്റെ രക്തം .
-മുനീർ അഗ്രഗാമി
No comments:
Post a Comment