അക്വേറിയത്തിലെ കല്ലുകൾ
.................................................................
അക്വേറിയത്തിലെ കല്ലുകൾ തമ്മിൽ
പറയുന്നതു കേട്ടു ഞാൻ
പുഴയിലവർ മീനായിരുന്നതിൻ കഥ
ജലമായിരുന്നു അവരുടെ ചിറകുകൾ.
പറയുന്നതു കേട്ടു ഞാൻ
പുഴയിലവർ മീനായിരുന്നതിൻ കഥ
ജലമായിരുന്നു അവരുടെ ചിറകുകൾ.
ഓരോ കുത്തൊഴുക്കിലുമൊരു നീന്തൽ!
പുഴയാഴത്തിലൊരു മീട്ടൽ
ഹൃദയം ചേർത്ത്
പ്രണയമൊഴിയായ് പ്രകമ്പനങ്ങൾ.
മലവെള്ളമായിരുന്നു ഉത്സവം
കാടും പടലും തോരണങ്ങൾ!
മീനുകളോടവ പറയുന്നുണ്ടാവുവോ
യാത്രയില്ലാതെ ശവപ്പെട്ടിയിലെന്നപോൽ
കിടന്നു ജീവിക്കുന്നതിൻ സങ്കടം ?
-മുനീർ അഗ്രഗാമി
No comments:
Post a Comment