ഉഭയജീവിതം
...............
എത്ര കുടകൾ നാം
മാറി മാറിച്ചൂടി!
എന്നിട്ടും മഴ ശമിച്ചില്ല
ശമനത്തിന്റെ താളം
എന്റെ നെഞ്ചിലോ
നിന്റെ നെഞ്ചിലോ
മിടിച്ചില്ല
ഒരുൾവിളിയാൽ
കുടകൾ മാറ്റി വെച്ച്
ഉടലളവുകളിൽ
പാകമായ നനവ്
നാം രണ്ടു പേരുമണിഞ്ഞു
ഉഭയജീവിതത്തിന്റെ
ആദ്യപടി കടന്നു
രണ്ടാം ഘട്ടത്തിൽ
പ്രണയം ചിറകുകൾ തന്നു
നമുക്കിപ്പോൾ
ആഴത്തിന്റേയും
ഉയരത്തിന്റേയും രഹസ്യങ്ങളിൽ
ഒരുമിച്ച് ചെവി ചേർക്കാം
ഇപ്പോൾ പെയ്യുന്നതൊക്കെയും
നമുക്കിടക്കൊരു ചാറ്റൽ മാത്രം
വെറും മഴച്ചാറ്റൽ മാത്രം.
- മുനീർ അഗ്രഗാമി
No comments:
Post a Comment