കറുത്ത രാത്രി വെളുത്ത പകൽ

 

കറുത്ത രാത്രി

വെളുത്ത പകൽ

പുതിയതൊന്നുമില്ല

മറ്റെല്ലാ നിറങ്ങളും

അവയിൽ കളിക്കുന്ന

കുട്ടികൾ

രാത്രിക്കും പകലിനുമിടയിൽ

സന്ധ്യയുടെ ജാം

കുട്ടികൾ ജാം നുണയുന്നു

നുണകൾ പാറുന്നു

കടൽത്തിരകളിൽ

ഒരു സാരി പിടയുന്നു

കരയിലനേകം

ജ്യോതി തെളിയുന്നു

വെളിച്ചത്തിൽ നിന്നും

ഇരുട്ടു പടരുന്നു

കുട്ടികൾക്കു മുകളിൽ

അവ കനക്കുന്നു

കനക്കുന്നു

കറുത്ത രാത്രി

വെളുത്ത പകൽ

പുതിയ ഒരിരുട്ട്!

പഴയവെളിച്ചം.

നിറങ്ങളിനി ഏതിൽ കളിക്കും ?

കുട്ടികൾ നോക്കി നിൽക്കുന്നു .

കളി ആരുടേതാണ് ?

എങ്ങനെയാണ് ?

കുട്ടികൾ നോക്കി നിൽക്കുന്നു.

-മുനീർ അഗ്രഗാമി