നിങ്ങൾ ചെയ്യേണ്ടത്

 

നിങ്ങൾ ചെയ്യേണ്ടത്

...................................

എനിക്കറിയില്ല

വസന്തത്തിന്റേയും

വേനലിന്റേയും ഭാഷ

അവർ സംസാരിക്കുന്നത്

ഞാൻ പല തവണ കേട്ടിട്ടുണ്ട്

കേട്ടിരിക്കെ പൂവിടുകയും

ഇലപൊഴികയും ചെയ്തിട്ടുണ്ട്

അത്ര മാത്രം

കവിതയുടെ ഈണം പോലെ

എനിക്ക് രസമായിട്ടുണ്ട്

ഭാഷയറിഞ്ഞ്

കവിത വായിച്ച ഒരാൾ

എന്നെ കണ്ടുമുട്ടുമെന്ന്

വിചാരിച്ച് മറ്റൊരു ഋതുവിലേക്ക്

നടക്കുന്നു

മറ്റൊന്നുമെന്നോട് ചോദിക്കരുതേ

ഉടനെ

അയാൾ വരുമെന്ന്

പറഞ്ഞ് പ്രതിക്ഷ തരികയല്ലാതെ .

- മുനീർ അഗ്രഗാമി