നിറങ്ങൾ

.........................................
കമ്മൂണിസ്റ്റ് പച്ച നിറഞ്ഞ വഴിയിൽ
ഒരു പച്ച മനുഷ്യനായിരുന്ന്
ഞാൻ പുല്ലരിയുന്നു

ചെമ്പരുത്തി അതിരിടുന്ന പറമ്പിൽ
കെട്ടിയിട്ട എന്റെ പശു
ചുവന്ന ചെമ്പരത്തിപ്പൂക്കൾ തിന്നുന്നു

എന്റെ വല്ലത്തിൽ പച്ചപ്പുല്ല് ധാരാളം
ആലയിൽ നിന്നേ അത് കൊടുക്കൂ
മഞ്ഞ നിറത്തിലുള്ള ഉണക്കപ്പുല്ലും
അവിടെ ധാരാളം
ഇടയ്ക്ക് എന്റെ പശു അതും തിന്നും
 
അതിന്റെ പാലിന് എന്തു വെളുപ്പ്!
മനുഷ്യന്റെ പല്ലിനെക്കാളും വെളുപ്പ്
 .........................................................